నందమూరి బాలకృష్ణ ప్రస్తుతం అనిల్‌ రావిపూడి దర్శకత్వంలో బాలయ్య 108 సినిమా చేస్తున్న విషయం తెల్సిందే. షైన్‌ స్క్రీన్స్‌ బ్యానర్‌ పై సాహు గారపాటి, హరీశ్‌ పెద్ది ఈ చిత్రాన్ని నిర్మిస్తున్నారు. ఈ సినిమాలో బాలయ్య సరసన కాజల్‌ అగర్వాల్‌ నటిస్తుండగా.. శ్రీ లీల మరో హీరోయిన్‌గా నటిస్తోంది. ప్రస్తుతం శరవేగంగా షూటింగ్‌ జరుపుకుంటుంది. ఇక గత కొన్నిరోజులుగా ఈ సినిమా టైటిల్‌ గురించి సోషల్‌ మీడియాలో పెద్ద చర్చనే జరుగుతున్న విషయం తెల్సిందే. భగవత్‌ కేసరి అనే టైటిల్‌ను మేకర్స్‌ పిక్స్‌ చేసినట్లు వార్తలు వినిపించాయి. అయితే అందులో నిజం లేదని.. ఈ సినిమా టైటిల్‌ ను జూన్‌ 8 న రివీల్‌ చేస్తున్నట్లు మేకర్స్‌ అధికారికంగా ప్రకటించారు. ఇక ఇప్పటికే బాలయ్య బర్త్‌ డే వేడుకలు మొదలయయ్యాయి.
కాగా.. ఈసారి బాలయ్య బర్త్‌ డే కు ఫ్యాన్స్‌ గొప్ప బహుమతిని ఇచ్చారు. ఇప్పటి వరకు బాలయ్య అంటే.. యువరత్న బాలకృష్ణ, నందమూరి నట సింహం, లెజెండ్‌ బాలయ్య అని బిరుదులు ఉండేవి. ఇక ఈ బిరుదులు కాకుండా ఇప్పుడు కొత్తగా ఆయనకు మరో బిరుదును ఫ్యాన్స్‌ అందించారు. అదే గ్లోబల్‌ లయన్‌. బాలకృష్ణ బర్త్‌ డే వేడుకలను మొదలుపెడుతున్న తరుణంలో ఈ బిరుదును డైరెక్టర్‌ అనిల్‌ రావిపూడి రివీల్‌ చేసి బాలయ్యకు ముందుగా బర్త్‌ డే విషెస్‌ తెలిపారు. గ్లోబల్‌ లయన్‌ అనేది బాలకృష్ణకు పర్ఫెక్ట్‌ గా సెట్‌ అవుతుందని ఆయన అభిప్రాయం వ్యక్తం చేశారు. ఈ బిరుదును తాను రివీల్‌ చేయడం ఆనందంగా ఉందని చెప్పుకొచ్చారు.
0 Comments