చైనా అధికారుల నిర్లక్ష్యమే
టీచర్లలో కూడా ఈ వ్యాధి లక్షణాలు కనిపిస్తుండడం మరింత ఆందోళనకు గురిచేస్తోంది. చైనాలో కరోనా నియంత్రణ కోసం విధించిన ఆంక్షలు ఎత్తివేయడంతో ఇన్ప్లూఎంజా, మైకో ప్లాస్మా, న్యూమోనియా, శ్వాసకోశ సిన్సిటియల్ వైరస్ వంటి అంటువ్యాధులు ప్రబలుతున్నాయని, ఈ వ్యాధికారక వ్యాప్తికి చైనా అధికారుల నిర్లక్ష్యమే కారణమని ప్రపంచ ఆరోగ్య సంస్థ పేర్కొంది. ఈ క్రమంలో దేశంలోని ఉత్తరాన వ్యాపిస్తున్న శ్వాసకోశ అనారోగ్యాలకు సంబధించిన మరింత సమాచారం ఇవ్వాలని చైనాను ప్రపంచ ఆరోగ్య సంస్థ కోరింది. సంక్రమణ ప్రమాదాన్ని తగ్గించడానికి చైనీయులు చర్యలు తీసుకోవాలని సూచించింది.. డబ్ల్యూహెచ్ఓ ప్రకారం గత మూడు సంవత్సరాల్లో ఇదే కాలంలో ఉత్తర చైనాలో ఇన్ఫ్లుఎంజా అనారోగ్యం పెరుగుతోంది. ‘‘పిల్లలలో శ్వాసకోశ వ్యాధుల పెరుగుదల, న్యుమోనియా సమూహాలను నివేదించడంపై వివరణాత్మక సమాచారం ఇవ్వాలని డబ్ల్యూహెచ్ఓ చైనాకు అధికారిక అభ్యర్థన చేసింది’’ అని ఐక్యరాజ్యసమితి ఆరోగ్య సంస్థ బుధవారం ఒక ప్రకటనలో తెలిపింది. ఇన్ఫ్లుఎంజా సార్క్ సిఓబి`2 (కోవిడ్-19కి దారితీసే వైరస్), శిశువులను ప్రభావితం చేసే ఆర్ఎస్వీ, మైకోప్లాస్మా న్యుమోనియాతో సహా తెలిసిన వ్యాధికారక వ్యాప్తిలో ఇటీవలి పోకడలపై కూడా డబ్ల్యూహెచ్ఓ అదనపు సమాచారాన్ని కోరింది. ఈలోగా టీకాలు వేసుకోవడం, అనారోగ్య వ్యక్తుల నుంచి దూరంగా ఉండడం, మాస్కులు ధరించడం వంటి నివారణ చర్యలు తీసుకోవాలని ప్రజలను కోరింది.
అప్రమత్తం చేస్తున్న ప్రోమెడ్
చైనాలో వ్యాపిస్తున్న ఈన్యుమోనియా వ్యాధి గురించి ప్రోమెడ్ బయటపెట్టింది. ప్రోమెడ్ అనేది ప్రపంచ దేశాల్లో మనుషులు, జంతువుల్లో వ్యాపించే వ్యాధుల గురించి ట్రాక్ చేసే సర్వైవలెన్స్ ప్లాట్ఫామ్. ఈ ప్రోమెడే చైనాలోని న్యుమోనియో వ్యాప్తి గురించి బయటి ప్రపంచానికి చెప్పింది. 2019లో చైనాలో పుట్టిన కరోనా గురించి ఈ ప్రోమెడ్ సంస్థనే మొదట బయటపెట్టింది. అయితే చైనాలో ప్రస్తుత న్యుమోనియా వ్యాధి ఎప్పుడు మొదలైందనే విషయం స్పష్టంగా తెలియదని ప్రోమెడ్ తెలిపింది. అయితే ఈ న్యుమోనియా కూడా మరో కరోనా మహమ్మారి మాదిరిగా మారుతుందా? లేదా అనేది కూడా ఇప్పుడే చెప్పలేమని వివరించింది. అయితే దీని కారణంగా మరోసారి కరోనా తరహా విలయం తప్పదేమోననే భయం కూడా పలువురిలో ఉంది.
పూర్తి వివరాలు కోరిన డబ్ల్యూహెచ్వో
ఉత్తర చైనాలో గత మూడు సంవత్సరాలలో ఇదే కాలంతో పోలిస్తే అక్టోబరు మధ్య నుండి ఇన్ఫ్లుఎంజా వంటి అంటువ్యాధులు పెరిగాయనివరల్డ్ హెల్త్ ఆర్గనైజేషన్ తెలిపింది. అనారోగ్యం, వ్యాధి లక్షణాలు, చిన్నారులు ఉండే ప్రాంతాల పూర్తి సమాచారాన్ని ఇవ్వమని చైనా ప్రభుత్వాన్ని కోరింది. వరల్డ్ హెల్త్ ఆర్గనైజేషన్ అదనపు సమాచారాన్ని కోరుతూ టీకాతో సహా శ్వాసకోశ వ్యాధుల ప్రమాదాన్ని తగ్గించడానికి చైనాలోని ప్రజలు నివారణ చర్యలను అనుసరించాలని సిఫార్సు చేస్తోంది. వ్యాధి బారిన పడిన వ్యక్తులను దూరం ఉంచడం.. అవసరమైన పరీక్షలు నిర్వహించడం, వైద్య సంరక్షణ పొందడం, మాస్క్ లు ధరించడం , మంచి గాలి వెలుతురు వచ్చే ప్రాంతాల్లో నివసించడం, చేతులను తరచుగా శుభ్రపరచుకోవడం వంటి తగిన జాగ్రత్తలు తీసుకోవాలని సూచించింది.
0 Comments