కాపు ఉద్యమ నేత ముద్రగడ పద్మనాభం రాసిన లేఖపై జనసేన సైనికుల సోషల్ మీడియా యుద్ధం మొదలు పెట్టారు. ముద్రగడను ఉద్దేశిస్తూ ఓ పేద కాపు యువకుడి ఆవేదన అంటూ సోషల్ మీడియాలో లేఖను వైరల్ చేస్తున్నారు. ‘‘ఈ లేఖ మీకు రాసినందుకు.. మీకు కోపం రావాలన్నా రెడ్డి గారి పర్మిషన్ కావాలి కదండీ. ఆంధ్రప్రదేశ్లో కాపులను విలన్లుగా చూపించి మీ పబ్బం గడుపుకున్నారు. కాపులకు రిజర్వేషన్ ఇవ్వను అని జగన్ చెప్పినా.. మీరు ఆయనకు మద్దతు ఎందుకిచ్చారండీ?
రోజురోజుకి ప్రజల ప్రేమను పొందుతున్నాం !
కాపుల రిజర్వేషన్ అంశాన్ని జనసేన మేనిఫెస్టోలో పెట్టిన పవన్ కళ్యాణ్ మీకు శత్రువు ఎలా అయ్యారండీ? కులాన్ని అడ్డుపెట్టుకుని కాంగ్రెస్, తెలుగుదేశం ప్రభుత్వాలలో మంత్రి పదవులు చేపట్టి, ఇప్పుడు కులంతో సంబంధం లేనట్టు మాట్లాడతారు ఏంటండీ? ప్రజారాజ్యం పార్టీకి ఎదురు నిలబడి ఓటమి చెందారండి మీరు. పవన్ కల్యాణ్ ధైర్యానికి, కమిట్మెంట్కి సరితూగే వ్యక్తి మీరు కానే కాదు.. ముద్రగడ గారూ. ప్రజల్లో ప్రేమను మేము రోజురోజుకూ పొందుతూ ఉంటే మీ కళ్ళను రెడ్డి గారి పంచె సందులో ఏమైనా పెట్టుకున్నారా? ప్రజలు మంత్రులను నిలదీయడం మీరు రెడ్డి గారి పంచె సందులో నుంచి మీ కళ్ళను తీసి బాహ్య ప్రపంచాన్ని చూస్తే తెలుస్తుంది అండి.
కౌలు రైతులను ఆదుకున్న పవన్ !
మీ మోసాలను చూసి కాపు జాతి మొత్తం మేల్కున్నా మండి.. మీరు బీపీ ట్యాబ్లెట్ వేసుకుని పడుకోండి ..మీ ఆరోగ్యానికి మంచిది. పొత్తుల విషయం ఇంకా తేలలేదండి.. అందుకే ఆయన దారిలో ఆయన అధికార పక్షాన్ని ఎదిరిస్తూ వెళ్తున్నారండి. మీకు ఈ విషయం అర్థం కాకపోవడం అనేది రెడ్డి గారి పాలేరుగా దశాబ్దాల పాటు ఉండిపోవడమేనండి, వాళ్ళు ఏం చెబితే అది పాటించడమేనండి మీ బతుకంతా. మంత్రిగా మీరు ఘనకార్యాలు.. మా పెద్దలు చెబుతూనే ఉంటారండీ. ఈ కుల ద్రోహి ముద్రగడని నమ్మకండి అని. ద్వారంపూడి మీకు గొప్పెమో .. కౌలు రైతులకు తలా లక్ష ఇచ్చిన పవన్ కళ్యాణ్ కాలి గోటికి మీరు సరిరారు’’ అని జన సైనికులు లేఖలో పేర్కొన్నారు.
0 Comments