మెగా ఇంట పెళ్లి బాజాలు మోగనున్నాయి. మెగా ప్రిన్స్‌ వరుణ్‌ తేజ్‌ త్వరలోనే పెళ్లి పీటలెక్కబోతున్నారు. నాగబాబు తనయుడు వరుణ్‌ తేజ్‌, హీరోయిన్‌ లావణ్య త్రిపాఠి నిశ్చితార్థం జూన్‌ 9న హైదరాబాద్‌లో జరగనుంది. ఈ విషయాన్ని వరుణ్‌ తేజ్‌ ప్రతినిధి ట్వీట్‌ చేశారు. ఈ నిశ్చితార్థ వేడుకకు కుటుంబ సభ్యులు, కొంత మంది సినీ ప్రముఖులను మాత్రమే ఆహ్వానించినట్లు సమాచారం. ఈ ఏడాది చివర్లో వీరి పెళ్లి జరగనున్నట్లు తెలుస్తోంది. దీనికి సంబంధించి ‘రెండు హృదయాలు.. ఒకటే ప్రేమ’ అంటూ ఓ ఇన్విటేషన్‌ కార్డ్‌ నెట్టింట వైరల్‌ అవుతుంది. ఇక వరుణ్‌తేజ్‌, లావణ్య త్రిపాఠి కలిసి ‘మిస్టర్‌’, ‘అంతరిక్షం’ చిత్రాల్లో నటించారు. ఈ సినిమా షూటింగ్‌ సమయంలోనే వీరిద్దరి మధ్య ప్రేమ చిగురించింది. అప్పటి నుంచి వీరు ప్రేమలో ఉన్నారన్న వార్తలు ఫిల్మ్‌ నగర్‌లో వైరలయ్యాయి. ఇక ఇప్పుడు ఈ ప్రేమ జంట పెళ్లి బంధంతో ఒక్కటి కాబోతున్నారు. ప్రస్తుతం వీళ్లిద్దరికీ నెటిజన్లు శుభాకాంక్షలు చెబుతున్నారు. ప్రస్తుతం వరుణ్‌ తేజ్‌ ‘గాండీవధారి అర్జున’ చిత్రంలో నటిస్తున్నారు.
Hearty congratulations to
— Eluru Sreenu (@IamEluruSreenu) June 8, 2023
𝑴𝒆𝒈𝒂 𝑷𝒓𝒊𝒏𝒄𝒆 @IAmVarunTej & @Itslavanya on getting Engaged on 9th June, 2023 ❤️
Wishing a lifetime of happiness together✨#VarunTejKonidela #VarunTej #LavanyaTripathi pic.twitter.com/BGMeiT3tav
0 Comments